Yangilangan sana:
Shifokorlar bilan shartnoma
Ushbu shartnoma MyShifokor va platformada xizmat ko‘rsatuvchi shifokorlar o‘rtasidagi munosabatlarni belgilaydi.
01Shartnoma predmeti
- 1.1.MyShifokor Shifokorga bemorlar bilan bog‘lanish, qabul jadvalini yuritish va onlayn konsultatsiya o‘tkazish uchun platforma taqdim etadi.
- 1.2.Shifokor platforma orqali tibbiy xizmatlarni o‘z malakasi doirasida mustaqil ravishda ko‘rsatadi.
02Shifokorni ro‘yxatdan o‘tkazish
- 2.1.Shifokor ariza qoldiradi va diplom, amaldagi litsenziya hamda malaka sertifikatlarini yuklaydi.
- 2.2.Hujjatlar 1–2 ish kuni ichida tekshiriladi, natija SMS orqali yuboriladi.
- 2.3.Hujjatlar muddati tugaganda profil vaqtincha yashiriladi va yangilangan hujjatlar talab qilinadi.
03Tomonlarning majburiyatlari
- 3.1.Shifokor qabullarni belgilangan vaqtda o‘tkazish, bemor ma’lumotlarining maxfiyligini saqlash va tibbiy etikaga rioya qilish majburiyatini oladi.
- 3.2.MyShifokor platformaning ishlashi, to‘lovlarni qabul qilish va Shifokorga o‘z vaqtida o‘tkazib berishni ta’minlaydi.
04Daromad va komissiya
- 4.1.Xizmat narxini Shifokor platforma belgilagan oraliqda mustaqil belgilaydi.
- 4.2.Har bir to‘langan xizmatdan platforma komissiyasi ushlab qolinadi; komissiya miqdori shifokor kabinetida doim ko‘rsatib turiladi.
- 4.3.Shifokor daromadini kabinetdagi yechib olish so‘rovi orqali oladi; mablag‘ so‘rovda ko‘rsatilgan bank kartasiga o‘tkaziladi.
05Shartnomani bekor qilish
- 5.1.Shifokor 14 kun oldin xabar berib, shartnomani istalgan vaqtda bekor qilishi mumkin.
- 5.2.Tibbiy etika yoki ushbu shartnoma qo‘pol buzilganda MyShifokor profilni bloklash huquqiga ega.
Savollaringiz bormi?
Hujjatlar bo‘yicha savollar uchun info@myshifokor.uz manziliga yozing.